OC SI GEN

E coneishetz "Twitter"?

2009-04-24T10:18:00.000-07:00

Qu'èi trobat un naveth mejan de comunicar instantaneument, que s'apera eth "Twitter" de nat con.hóner dab eth "twistter" Klaus qu'a hèit hèra pericle e rambalh en Aquitania e Gasconha.
Que vedi pas enqüera era vertadera diferéncia dab eth "Facebook", totun que sembla un shinhau, un drinòt mei reactiu com tip de messatgeria.
Qu'ei iniciat eth men purmèr compte en occitan teddy6424 (pas complicat de comprene atau que soi vadut dens lo "24" e que demòri dens le "64";-) e tostemps en Aquitania ath arràs de Pireneus e d'Ocean.

Bethlèu ua ocasion de véder hèra monde "twitterejar" en occitan, gascon , lemosin, lengadocian e que't sabi mei .

http://twitter.com/

Tens els ulls plen de paraules

http://www.youtube.com/watch?v=dxQliDnym-M

http://www.youtube.com/watch?v=9gb4xt1HrA4&feature=related

Collègi de Gasconha o Collègi Occitan de Pau

2009-03-31T06:15:00.000-07:00

Adishatz ,

Eth Collègi de Gasconha o Collègi Calandreta de Pau que va dubri's hens locaus naveths a l'acès deras parets deth Collègi d'Ensenhament Generau e Professionau Jean Monnet, a Pau, carrèra deth Canonge Labòrda (rue du Chanoine Laborde).

Era instalacion que deuria's har ara dintrada deras vacanças de Pascas, bethlhèu eth 20 deth mes d'abriu 2009.

Qu'èi eth dusau collègi on ensenhan tot en lenga nosta (gascon de Bearn) ad estar hicat dens eth maine occitan après eth de Grabèls dens Erau (parlar lengadocian) e...eth prumèr ad estar hicat dens ua estructura pertanent ad Educacion Nacionau (L'Education Nationale) en França.

En esperant ua iniciativa atau en Peiregòrd, a Peireguers , eth men parçan d'origina e de neishença.

Bearn , dab eth "Collègi Calandreta de Gasconha" en lenga occitana e "The International School of Bearn (Morlans/ Morlàas en Francés)", sostienuda per era Universitat de Cambridge qu'èi en procès de viéner eth país deth multilinguisme.

Eths locaus qu'èi segur que son nat tròp beròis vista den dehòra (arquitectura un drin hèita ara lèsta) totun que i aura un espaci plan beròi.

Quan trobarèi ua videò der'eveniment que hicarèi-la suu blòg.

Ancian sit deth Collègi Calendreta :
http://pagesperso.orange.fr/anaram/collegi.calandreta.html

Bonas Hèstas: eth caviar deths Pirenèus arriba!

2008-12-15T03:14:00.000-08:00

Existava jà eth caviar gascon d'Aquitania ath arràs deth Ocean.
Adara qu'avèm eth caviar deths Pirenèus, e, mei particularament, eth caviar de Lès en era Vath/Val d'Aran quina hèsta .
En era Vath d'Aran, a Lès, eth grop NeòElectra que vièn d'instalar un centre de piscicultura a on serà produsit eth "Caviar Nascarii®" dab un contract de distribucion qu'iniciarà's a Tolosa e de Tolosa dinc a França sancèra e , a condar de 2009 ar'internacionau.

Adara qu'avèm d'esturions e de caviar d'un cap ar'aute deth arriu Garona deths Pirenèus dinc ar estuari de Gironda

http://www.caviar-gourmet.com/

Nat tà totas borsas que'm pensi :-( malastrugament d'Òc més nat balhat).

Bonas Hèstas, un Bon Nadau e un Bon cap d'an.

Era Gasconha, quin luxe, era Gasconha eth pais de Cocanha!

2008-12-07T13:04:00.000-08:00

Interessant entà escríver en nostas lengas dab accents, qu'èi trobat suu malhum eth logiciau "Lexibar" gràtis e telecargable valable tau català, eths espanhòu e português e que'm pensi doncas tau gascon e autes parlars occitans.

www.lexicool.com/lexibar_special_keyboard_characters.asp?IL=3

Que trobar sus OCSIGEN: un drin de tot e chic a chic

2008-12-03T05:40:00.000-08:00

Adishatz/ Adiusiatz , Adios , Adeu siau, Adeus, Buon giorno, Buna Ziua... a tots

Aqui, credi que trobarètz lhèu eth purmèr blòg on parlara's un drin de Caminada dab Bastons (o Sauvakaväly o Nordic Walking) e de reflexologia podau en gascon pirenenc (e de còps, quan parlaré deth men pais de neishença, eth Peiregòrd, en lemosin o en lengadocian).
Que volètz, nat arrés(degun, ningu) qu'èi perfèit en aqueste mondinòt, caparut per era nosta lenga amiaçada.
Totun que poderètz interviéner en gascon, occitan de tota mena, català, castellano, aragonés, asturianu, galego, português, italiano e românà ("da, da prieteni, si eu vorbesc si scriu putina limba româna dar nu am practicat de mult timp!"),... que m'agrada de liéger sustot en heras lengas romanicas.

Tau moment qu'ei nat crompat eth materiau entà hàser fotòs e videòs tà hicar un shinhau mei de vita sus aqueste blòg, aquò que viendrà chic a chic que'm pensi, tota ajuda que serà donca hèra (fòrça) e plan vienguda.

A lhèu bethlhèu e dinc aras purmèras;-)

Undrindetot

Eth imatge en haut ad esquèrra qu'èi un imatge deth men pais de neishença, eth Peiregòrd Verd, e particularament eth Pais de Sent Saud, abans que vengueishi un hilh adoptiu deth aute pais de Sent Saud (imatge de dreta), referent au Pic Sent Saud, eths Pirenèus (omenatge ad un Peiregòrd ahuegat de Pirenèus, eth Comte Aimar de Sent Saud).

E quin pais de pais eth d' aqueras montanhas Pirenèus que tan hautas son , quin cambiament d'un Sent Saud ad un aute mei de 2500m d'altitud de Sent Saud a Sent Saud e duas menas de parlar era lenga nosta!

"Où l'òme, sei lo Sent Saud d'en bas, en baish, que chamina cap au Sent Saud d'en haut, a io lo lemosin e a jo eth gascon, a io lo pais de l'aubre, de l'aiga, daus chasteus e de las fenasons daus mossirons e de las trufas de la brava brejauda lemosina ed a jo enquèra lo pais d'aqueras montanhas que tan autas son , deras nhèus e deths gaves, e dera bona garbura, a io lo brama dau cervi e los fachilherum de las las fachilieiras lemosina e la musica de la zinzoina o viene o vinhana ed a jo eth bramatopin, eths sarris, eths sorcièrumi e autes laminak deth Bascoat, a io lo" filh de loira" ed a jo eth "hilh de puta"! (mesclant lo lemosin ed eth gascon deras vaths)".

Occitan dau Nòrd cap aus nostes Pirenèus.

2008-07-28T09:28:00.000-07:00

OC que sei d'OC vadut , neishut en terra d'OC e de lenga d'Oc , OCCITAN!

SI , com hens las lengas de SI, come in le lingue del SI, como en las lenguas del SI, e deu SUD en signe d'afirmacion coma nòta de musica lo SI que se ditz qu'ei lo SI deu SO que luseish.
Qu'ei lo SI deu SO deu beròi encontre.

GEN coma Gent, gentes, devisa dera vila que demori adara en "Urbis Palladium et Gentes", generar, generacion, genre uman, genetica e que 't sabi mei, lo Gen de l'engenh que puja tostemp dehòra entar descubrir d'aulhors naveths.

OC, I was born in the country of a mother tongue , OCCITAN!

SI as in the SI LANGUAGES,

OCSIGENIEC!

Adishatz, Croeso, Hello, Salut

2008-07-25T08:19:00.000-07:00

Adishatz, e planvienguts sus eth men purmèr blòg escrit en occitan , anglés, francés, e quauquas autas lengas.
Eth blòg que s'apèra OC-SI-GEN , qu'èi a diser qu'èi un blòg a la debuta Occitan , o de Lenga d'Oc , com ac voletz, escrit en occitan deth Bearn dab un punt dera vath d'Aspa, pais on damori dempuish un drin d'annadas , un blòg entà tornar ocupar l'espaci d'ua lenga e de dubertura tanben a d'autes espacis linguistics e culturaus entà charrar d'un drin de tot.

Que m'entereishi subretot a la descoberta d'autes espacis, lengas e culturas mei o mensh coneishuts deth mond.
Qu'èi subretot un blòg entà caminar, "caminar de cap tà l'Imortèla" com ac diria un grop bearnés e gascon hèra coneishut, "Nadau".

Caminar sus e dab paraulas en amira d'escambiar e d'aprene un drin de tot.
Lo men OC-SI-GEN qu'ei de hèit de caminar cap ar 'OXYGEN que d'autes e saperan dar-me deras loas paraulas.